ජනවාරි 9 වනදා ආරම්භ කරන්නට යන ව්‍යවස්ථා සංශෝධන ක්‍රියාවලියට විරෝධය දැක්වීමට ඒකාබද්ධ විපක්ෂය තීරණය කර තිබෙන බව වාර්තා වනවා. විධායක ජනාධිපති ක්‍රමය අහෝසි කරන බව පෙන්වමින් රටේ ඒකීයභාවය අහෝසි කරන්නට නව ව්‍යවස්ථා සංශෝධනය හරහා උත්සහායක් පවතින බවයි ඒකාබද්ධ විපක්ෂයේ මතය වී තිබෙන්නේ.
ලබන සතියේදී පාර්ලිමේන්තු සංකීර්ණයේදී පාර්ලිමේන්තු කණ්‌ඩායම් රැස්‌වීමක්‌ පැවැත්වීමට ද ඒකාබද්ධ විපක්ෂය තීරණය කර ඇත.
මේ අතර ආණ්ඩුව විසින් පිහිටුවීමට යන ව්‍යවස්ථාදායක සභාව මුළුමනින්ම නීති විරෝධී බවත්, ඒකාබද්ධ විපක්ෂය එයට විරුද්ධව දේශපාලන අරගලයකට නායකත්වය දිය යුතු බවත් මහාචාර්ය නලින් ද සිල්වා මහතා ප්‍රකාශ කර ඇත.
”යම්කිසි ආකාරයකින් අවුල් ආණ්ඩුව ව්‍යවස්ථාදායක සභාවක් නීති විරෝධීව හා ව්‍යවස්ථා විරෝධීව ඇතිකළත් එය වර්ජනය කිරීමට ඒකාබද්ධ විපක්ෂය නායකත්වය දීය යුතුයි.” නලින් ද සිල්වා මහතා අවධාරණය කර සිටියි.