රක්ෂිත බන්ධනාගාර ගත කර තිලිණි ප්‍රියමාලි බන්ධනාගාර විනිශ්චය මණ්ඩලයට හමුවට ඉදිරිපත් කළේය.
තිළිණි ප්‍රියමාලි නැමති සැකකාරිය බන්ධනාගාරය තුල නීති විරෝධි තහනම් ද්‍රව්‍යයක් වන ජංගම දුරකථනයක් සැකකාරිය සන්තකයේ තබා ගැනීම සම්බන්ධයෙන් චෝදනා නඟා අද (13)දින වැලිකඩ බන්ධනාගාරයේ පැවති කොළඹ අතිරේක දිසා විනිසුරුවරයා ප්‍රමුඛ බන්ධනාගාර විනිශ්චය මණ්ඩලය වෙත ඉදිරිපත් කළ බව අතිරේක බන්ධනාගාර කොමසාරිස් ජනරාල්(මාධ්‍ය ප්‍රකාශක) චන්දන ඒකනායක මහතා පැවසීය.
සැකකාරිය වෙත නඟා ඇති චෝදනාවට නිවැරදිකරු ලෙස බන්ධනාගාර විනිශ්චය මණ්ඩලය ඉදිරියේදී ඇය ප්‍රකාශ කිරීමෙන් පසු කොළඹ අතිරේක දිසා විනිසුරු තුමා විසින් මෙම චෝදනාව වැඩිදුර විභාගය සඳහා 2022.11.03 වන දින දක්වා කල් තබා තිබේ.