මහින්ද රාජපක්ෂ මහතාගේ නායකත්වය යටපත් කරගෙන ඉදිරියට පැමිණීමට කවුරු හෝ උත්සාහ කරනවා නම් ඊට ඉඩ දිය යුතු නැති බවත් රටට අවශ්‍ය යාවත්කාලීන කළ මහින්ද චින්තනය මිස වියත් මඟ නොවන බවත් පාර්ලිමේන්තු මන්ත්‍රි වාසුදේව නානායක්කාර ප්‍රකාශ කළේය.
ඒකාබද්ධ විපක්ෂයේ ඉදිරි ජනාධිපතිවරණ අපේක්ෂකයා කවුරු වුවත් ඔහුට නායකත්වය ලබා දෙන්නේ මහින්ද රාජපක්ෂ මහතා බවත් එතුමාගේ නායකත්වයට ආදේශ කළ හැකි කිසිදු පුද්ගලයකු නැති බවත් නානායක්කාර මහතා පැවැසූ අතර වත්මන් ආණ්ඩුව ප්‍රජාතන්ත්‍රවාදය විකෘති කරමින් සිටින බවද පැවැසීය.
ඊයේ (2දා) කොළඹදී පැවැති සමාජවාදී ජනතා පෙරමුණේ මාධ්‍ය හමුවකට එක්වෙමින් වාසුදේව නානායක්කාර මහතා මෙසේ ප්‍රකාශ කළේය.