පොලිස්පති ලෙස කටයුතු කළ පූජිත් ජයසුන්දර විශ්‍රාම යාමට අදාළ ලේඛන අධිකරණයට ඉදිරිපත් කිරීමට අවසර ලබා දෙන ලෙසට නීතිපතිවරයා වෙනුවෙන් පෙනී සිටි අතිරේක සොලිසිටර් ජනරාල් ඉංදිකා දේමුණී ද සිල්වා අද (10)දින ශ්‍රේෂ්ඨාධිකරණයෙන් ඉල්ලා සිටියා.
ඒ පොලිස්පති ලෙස කටයුතු කළ පූජිත් ජයසුන්දර අනිවාර්ය නිවාඩු යැවීමට ජනාධිපතිවරයා ගත් තීරණය අහෝසි කරන අතුරු තහනම් නියෝගයක් නිකුත් කරන ලෙසට ඉල්ලා ඔහු විසින් ගොනුකරන ලද මූලික අයිතිවාසිකම් පෙත්සම අද කැඳවූ අවස්ථාවේදීයි.
ඒ අනුව විශ්‍රාම යාමට අදාළ ලේඛන සති දෙකක් ඇතුළත ගොනු කිරීමට අවසර ලබා දෙන ලදි.
ඒ අනුව මෙම පෙත්සම ජනවාරි මස 27 වැනිදා සලකා බැලීමට ශ්‍රේෂ්ඨාධිකරණය අද දින ලබා දුන්නා.
මෙම පෙත්සමේ වග උත්තරකරුවකු ලෙසට හිටපු ජනාධිපති මෛත්‍රීපාල සිරිසේන මහතා පුද්ගලිකව නම් කිරීමට ශ්‍රේෂ්ඨාධිකරණය මීට පෙර අවසර ලබා දුන්නා.
මෙම පෙත්සමේ වග උත්තරකරුවන් ලෙසට වැඩබලන පොලිස්පතිවරයා, ව්‍යවස්ථාදායක සභාවේ සභාපති ඇතුළු එහි සාමජිකයන්, නීතිපතිවරයා ඇතුළු පිරිසක් නම් කර තිබෙනවා.