සුප්‍රකට පාතාල නායක මාකඳුරේ මධූෂ් සමඟ සබඳතා පැවැත්වූ දේශපාලනඥයන් අසූ දෙනකුගේ (80) තොරතුරු ඒ ගැන පරීක්ෂණ පවත්වන රාජ්‍ය බුද්ධි අංශ අනාවරනය කරගෙන ඇත.
විවිධ පක්ෂවලට අයත් ප්‍රාදේශීය සභා සභාපතිවරුන් පළාත් සභා මන්ත්‍රීන් හා පාර්ලිමේන්තු නියෝජිතයන් රැසක් මෙම ලැයිස්තුවේ සිටින අතර, ඩුබායිහිදී අත්අඩංගුවට ගත් මධූෂ් ඇතුළු ප්‍රධාන පෙළේ අපරාධකරුවන්ගෙන් ප්‍රශ්න කිරීමේදී මෙම තොරතුරු අනාවරණය වී ඇත.
මෙලෙස සිකුරාදා සවස වනවිට රඳවාගෙන සිටි සමස්ත සැකකරුවන් ගණන 33කි. ඔවුන්ගෙන් රුධිර සාම්පල ලබාගෙන කරන ලද රසායනික පරීක්ෂණ අනුව මාකඳුරේ මධූෂ් අත්අඩංගුවට ගන්නා මොහොතේදී කොකේන් නැමති මත්ද්‍රව්‍ය පානය කොට සිටි බව තහවුරු වී ඇතැයි ඩුබායි පොලිසිය ශ්‍රී ලංකා පොලිසියට සිකුරාදා වාර්තා කළේය.
මධූෂ් සමඟ කොටුවූ පිරිස අතර රාජ්‍ය තාන්ත්‍රික ගමන් බලපත් හිමි තැනැත්තකු සිටි බවට පළවන වාර්තා ගැන ශ්‍රී ලංකා රාජ්‍ය බුද්ධි අංශ කිසිදු නිල තොරතුරක් වාර්තා කළේ නැත.