ඉකුත් අප්‍රේල් 22 වැනිදා සිට අද (29දා ) දහවල් දක්වා කාලය තුළ දිවයිනෙන් කොරෝනා වෛරස් ආසාදිතයින් 311 දෙනෙකු වාර්තා වී ඇති බව වසංගත රෝග විද්‍යා අංශය පවසයි.
මෙම ආසාදිතයින්ගෙන් අද උදැසන දක්වා වාර්තා වී තිබු කොරෝනා ආසාදිතයින් 308 දෙනාගෙන්
235 දෙනෙකුම නාවුක හමුදා භටයින් වන අතර සෙසු 73 දෙනා නීරොධායනය වෙමින් සිටියදී තහවුරු කරගත් ආසාදිතයින් බව එම අංශය කියයි.
මේ වන විට හඳුනාගෙන ඇති කොරෝනා ආසාදිතයින් දිවයිනේ දිස්ත්‍රික්ක 26න් 22 ක පදිංචිකරුවන් වන අතර නුවර එළිය ,මන්නාරම ,කිලිනොච්චිය හා මුලතිව් යන දිස්ත්‍රික්කවලින් මෙතෙක් කිසිදු කොරෝනා ආසාදිතයෙකු හඳුනාගෙන නොමැත.
මේ අතර අද දහවල් වන විට දිවයිනේ රජයේ රෝහල් 33ක කොරෝනා ආසාදිතයින් බවට සැක කෙරෙන රෝගීන් 250 දෙනෙකු ප්‍රතිකාර ලබමින් සිටි අතර ඔවුන්ගෙන් 249 දෙනෙකු ශ්‍රී ලාංකිකයින්ද එක් අයෙකු විදේශීකයකුද වේ.