සිංහල හා දෙමළ භාෂා ශ්‍රී ලංකාවේ රාජ්‍ය භාෂා ලෙස සදහන් කරමින් ආණ්ඩුක්‍රම ව්‍යවස්ථාව සංශෝධනය විය යුතු බව රාජ්‍ය භාෂා හා සංවාද අමාත්‍ය මනෝ ගනේෂන් මහතා සදහන් කරයි.
වත්මන් ව්‍යවස්ථාවේද 18.1 ශ්‍ර ලංකාවේ රාජ්‍ය භාෂාව සිංහල භාෂාව වන්නේය යැයි සටහන් වී ඇති අතර දෙමළ භාෂාවද රාජ්‍ය භාෂාවක් වන්නේය යනුවෙන් 18.2 හි සදහන් වේ.
කෙසේ වෙතත් ව්‍යවස්ථා සංශෝධනය තවමත් අවසන් වී නොමැති කරුණක් බවට පත්ව ඇති හෙයින් තම යෝජනාව සංශෝධනයක් ලෙස ඉදිරිපත් කිරීමට අපේක්ෂා කරන බවත් අමාත්‍යවරයා සදහන් කරයි.
