දෙමළ සිසුන් පිරිසකගේ පහරකෑමට ලක්ව ප්‍රතිකාර ලබන යාපනය විශ්ව විද්‍යාලයේ සිංහල සිසුන්ගේ සුවදුක් විමසීම සදහා උතුරු පළාත් ආණ්ඩුකාර රෙජිනෝල්ඩ් කුරේ මහතා ඊයේ පස්වරුවේ කොළඹ ජාතික රෝහලට ගියේය.
එහිදී මාධ්‍යට අදහස් දක්විමින් ආණ්ඩුකාරවරයා සිද්ධිය පිළිබදව තවමත් පරීක්ෂණ පැවැත්වෙන බවත්, එතෙක් ඒ පිළිබදව අදහස් පළකිරීම නොකළ යුතු බවත්, සංහිදියා වැඩපිළිවෙලට සහ ජාතික සමගියට බාධා කිරීමට මෙම සිද්ධීය හරහා ඉඩ නොතැබිය යුතු බවත් ප්‍රකාශ කර සිටියහ.
