සංවිධානාත්මක අපරාධ කල්ලි සාමාජිකයකු සහ මත්ද්රව්ය ජාවාරම්කරුවකු යැයි කියන ‘ඩුබායි නිපුන’ නැමැත්තාගේ අනියම් බිරිඳ බව කියන කාන්තාවක් හෙරොයින් ග්රෑම් 20 ක් සහ රුපියල් ලක්ෂ 21 කට අධික මුදල් සමඟ අත්අඩංගුවට ගත් බව පොලිස් විශේෂ කාර්ය බළකාය පවසයි.
එහිදී ඇය සතුව තිබූ මුදල් රුපියල් 2,150,000 ක මුදල් සහ ජංගම දුරකථනයක් ද අත්අඩංගුවට ගත් බවත් වැඩිදුර විමර්ශන කටයුතු සඳහා පොලිස් මත්ද්රව්ය කාර්යාංශය වෙත භාරදුන් බවත් විශේෂ කාර්ය බලකාර වැඩි දුරටත් සඳහන් කරයි.
විශේෂ කාර්ය බළකාය අණදෙන නිලධාරී නීතීඥ වරුණ ජයසුන්දර මහතාගේ නියෝග හා උපදෙස් පරිදි බස්නාහිර උතුර භාරව ජ්යෙෂ්ඨ පොලිස් අධිකාරි පී. ජේ. සිල්වෙස්ටර් විජේසිංහ මහතාගේ අධීක්ෂණය යටතේ විශේෂ කාර්ය බළකාය ගෝනහේන කඳවුරේ නිලධාරීන් ලද තොරතුරකට අනුව ස්ථානාධිපති විශේෂ මෙහෙයුම් පොලිස් පරීක්ෂක එස්.ඩී.පී.එන්. දේශප්රිය මහතා ඇතුළු කණ්ඩායමක් බොරැලැස්ගමුව පොලිස් වසමේ පැපිලියාන හන්දියේදී කළ මෙහෙමකදී එම කාන්තා අත්අඩංගුවට ගත් බවත් එහිදී හෙරොයින් ග්රෑම් 20 සන්තකයේ තබාගෙන සිටි වයස අවුරුදු 33 ක වැල්ලවත්ත ප්රදේශයේ පදිංචි කාන්තාවක් උපාය දූතයකු දමා මහත් පරිශ්රමයක් දරා අත්අඩංගුවට ගත් බවත් විශේෂ කාර්ය බලකාය කීය.