මාතර දෙනගම මුලටියන පාරේ දී ඊයේ (10)දින අලූයම අත්අඩංගුවට ගත් හොරොයින් කිලෝ 75 ට ආසන්න ප‍්‍රමාණය දැනට විදේශ රටේ සැගව සිටින රුවන් චින්තක හෙවත් ‘‘හරක්කටා’’ නැමැත්තා ට අයත් මත්කුඩු බවට සැකකරන බව පොලිස් මාධ්‍ය ප‍්‍රකාශක නියෝජ්‍ය පොලිස්පති අජිත් රෝහණ මහතා පැවසීය.
මෙම මත්කුඩු ඉමදුව දොස්තරවත්තේ වළදමා තිබීයදී ඉවතට ගත් මත්කුඩු බවට සැකකරන බවද හෙතෙම කියා සිටියේය.
මෙම මත්කුඩු ප‍්‍රවාහනය සම්බන්ධයෙන් අත්අඩංගුවට ගත් සැකකාර යුවළ අතර සැකකාරිය මහනුවර සිදුහුම්පොළ පදිංචි (38) හැවිරිදි කාන්තාවක් බවත්, සැකකරු මීගමුව කට්ටුව ප‍්‍රදේශයේ පදිංචි (29) හැවිරිදි තරුණයෙක් බවද හෙතෙම කියා සිටියේය.
මොවනු අතරමදියන් වශයෙන් හෙරොයින් ප‍්‍රවාහණ කරන්නන් බවට සැකකරන බව මාධ්‍ය ප‍්‍රකාශකවරයා කියා සිටියේය.