ජනාධිපතිවරයා විසින් පාර්ලිමේන්තුව විසුරුවාහැර මැතිවරණයක් කැදවීමට ගත් තීරණය පිළිබදව තමන් දැඩි කණස්සල්ල පලකරන බව කොළඹ ඇමරිකානු තානාපති කාර්යාලය ටීවීටර් ඔස්සේ නිවේදනයක් නිකුත් කරමින් ප්‍රකාශ කර තිබේ.
කෙසේ වෙතත් එම නිවේදනයට ශ්‍රී ලංකිකයන් විශාල පිරිසක් ප්‍රතිචාර දක්වා තිබෙන අතර, බොහෝ දෙනෙකු ප්‍රකාශ කර ඇත්තේ ශ්‍රී ලංකාවේ අභ්‍යන්තර ගැටළු ශ්‍රී ලාංකිකයන් විසින් විසදාගන්නා බවත්, ඇමරිකාව ඒ පිළිබදව වදවිය යුතු නැති බවත්ය.
දිගින් දිගටම මැතිවරණ කල්දමමන් සිටියදී ප්‍රජාතාන්ත්‍රවාදය නොපෙනෙුණු ඇමරිකානු තානාපති කාර්යාලය, මැතිවරණයක් කැදවා ජනමතය විමසීමට යාමේදී කණගාටු වන්නේ මන්දැයි එහි ප්‍රශ්න කර තිබේ.
ඇමරිකානු තානාපති කාර්යාලයේ නිවේදනයට ශ්‍රී ලාංකිකයන් දක්වා තිබුණු ප්‍රතිචාර කිහිපයක් පහත දැක්වේ.
දේශපාලන අර්බුදය උග්‍ර කරමින් ශ්‍රී ලංකාවේ පාර්ලිමේන්තුව විසුරුවා හැරීම පිළිබඳව එක්සත් ජනපදය දැඩි කනස්සල්ල ප්‍රකාශ කර සිටී. ශ්‍රී ලංකාවේ විශ්වාසදායි හවුල්කරුවෙකු වශයෙන් ස්ථාවරත්වය හා සමෘද්ධිය තහවුරු කිරීම සඳහා ප්‍රජාතන්ත්‍රවාදී ආයතන සහ ක්‍රියාවලියට ගරු කළ යුතු බව අපගේ විශ්වාසයයි.
— U.S. Embassy Colombo (@USEmbSL) November 10, 2018
