ත්‍රීරෝද රථ සඳහා බිල්පතක් මගියාට නිකුත් කළ හැකිවන සේ මීටරයක් සවිකළයුතු බවට පැනවූ නීතිය අප්‍රේල් මස 20 වන දින සිට බලාත්මක කරන බව මාර්ග ආරක්ෂාව පිළිබඳ ජාතික සභාවේ සභාපති වෛද්‍ය සිසිර කෝදාගොඩ මහතා පැවසීය.
ත්‍රීරෝද රථ සේවාව වඩා ගුණාත්මක කිරීමේ අරමුණින් මෙම නීතිය ගෙන ආ නමුත් වෙළද පලේ අදාළ බිල්පත් ලබාදිය හැකි මීටර සුලබ වනතුරු මාස 6 යක කාලයක් නීතිය ක්‍රියාත්මක නොකර සහන කාලයක් ලබාදුන් බවත් එයද අප්‍රේල් මස 01 දින අවසන් වූ බව පැවසු සභාපති වරයා අප්‍රේල් 20 වන දින සිට නීතිය බලාත්මක කරන බව පැවසීය.
ත්‍රීරෝද රථවල ගමන් ගන්නා මගීන්ගේ පැමිණිලි සලකා බලා මෙම තීන්දුව ගත්බව වෛද්‍ය සිසිර කෝදාගොඩ මහතා පැවසීය.