මීට වසර තුනකට ඉහතදී බොදු බල සේනා සංවිධානය රටපුරා ක්‍රියාත්මක නීතිවිරෝධී ගබ්සා මධ්‍යස්ථාන පිලිබදව හෙළි කරන ලද බවත් ඒ පිළිබද සියලු තොරතුරු එවකට ජනාධිපති මහින්ද රාජපක්ෂ මහතාට සහ එවක සෞඛ්‍ය ඇමති වර්තමාන ජනාධිපති මෛත්‍රිපාල සිරිසේන මහතාටත් ලබා දුන් බව බොදු බල සේනා මහ ලේකම් රාජකීය පණ්ඩිත ගලගොඩඅත්තේ ඥානසාර හිමි සදහන් කර සිටියා.
සංවිධානාත්මක ලෙස සිංහල කාන්තාවන් උපත් පාලනයට, වන්ද්‍යාකරණයට සහ ගබ්සා කිරීමට පෙලබවීම් කරන රාජ්‍ය නොවන සංවිධාන පිලිබදව 2012-2013 වසරයන්හිදී පෙන්වා දෙන විට එවක රජය කිසිදු පියවරක් නොගත් බවත් ඒ හේතුව මත සිංහල මව්වරු ලක්ෂ ගණනක් මේ වනවිට ජාතියට අහිමි කිරීමට මෙම රාජ්‍ය නොවන සංවිධාන කටයුතු කර ඇති බවත් උන්වහන්සේ අවධාරණය කර සිටියා.
බලධාරීන්ගේ අවධානය යොමු නොවන තැන අවස්ථා කිහිපයකදීම මෙවැනි මධ්‍යස්ථාන වටලා නීතියට කොටු කර දීමට පියවර ගත් බවත් උන්වහන්සේ සදහන් කර සිටියා.
දඹුල්ල රෝහලේ වෛද්‍යවරියෙකු උපත් පාලනයට බලහත්කාරයෙන් මව්වරු යොමු කිරීම පිලිබදව Colombo Today සිදුකල විමසීමකට පිළිතුරු ලබා දෙමින් අද (8) උන්වහන්සේ මේ බව සදහන් කර සිටියා.