වත්මන් ජනාධිපති මෛත්‍රීපාල සිරිසේන මහතාට වසර හයක් සිය ධුරයේ සිටිය හැකි බව නීතිපතිවරයා විසින් ශ්‍රේෂ්ඨාධිකරණයට දන්වා ඇතැයි වාර්තා වේ.
සිය ධුර කාලය සම්බන්ධයෙන් ජනාධිපතිවරයා ශ්‍රේෂ්ඨාධිකරණයෙන් සිය මතය විමසූ අතර, ඒ පිළිබදව මතය ලබාදීමට අගවිනිසුරුවරයා විසින් පංචපුද්කල කමිටුවක්ද පත්කර ඇත.
මෙම කමිටුවට නීතිපතිවරයා සිය මතය ඉදිරිපත් කරමින් ජනාධිපතිවරයාට වසර හයක් ධුරය දැරිය හැකි බව දන්වා ඇතැයි පැවසේ.
ඒ අනුව මීළග ජනාධිපතිවරණය පැවැත්වෙනු ඇත්තේ 2021 ජනවාරි මාසයේදීය.
19 වන ව්‍යවස්ථා සංශෝධනයෙන් ජනාධිපතිවරයා සතු විධායක බලතල යම් ප්‍රමාණයක් පාර්ලිමේන්තුවට සහ ස්වාධීන කොම්ෂන් සභවලට පැවරූ අතර, ධුර කාලය අවුරුදු පහ දක්වා අඩු කරන බව ප්‍රකාශ කෙරිණි. නමුත් එම නීතිය වත්මන් ජනාධිපතිවරයාට අදාළ වන්නේදැයි පැහැදිළි විවරණයක් කෙරුණේ නැත.