ඊජිප්තුවේ සිනායි පළාතේ මුස්ලිම් පල්ලියක් වෙත එල්ල වූ ත්‍රස්ත ප්‍රහාරය ශ්‍රී රජය දැඩිව හෙළා දකින බව නිවේදනයක් නිකුත් කරමින් විදේශ කටයුතු අමාත්‍යාංශය පවසයි.
ඊයේ එල්ල වූ මෙම ප්‍රහාරයෙන් පුද්ගලයන් 225 දෙනෙකු ජීවිතක්ෂයට පත්ව ඇති බව විදෙස් මාධ්‍ය වාර්තා පවසයි.
බැතිමතුන් යාඥා කරමින් සිටින අතරතුර කඩා වැදුණු ත්‍රස්තවාදීන් පල්ලිය වෙත බෝම්බ ප්‍රහාර කිහිපයක් එල්ල කිරීමෙන් පසුව පලා යන පිරිස් වෙත වෙඩි ප්‍රහාර එල්ල කර ඇත.
අයි.එස්.අයි.එස් ත්‍රස්තවාදීන් මෙම ප්‍රහාරය එල්ල කරන්නට ඇති බව ඊජිප්තු ආරක්ෂක අංශ සැක ඵලකරයි.
ප්‍රහාරය එල්ල වී ඇත්තේ සුෆී මුස්ලිම් පල්ලියකට වන අතර, IS ත්‍රස්තවාදීන් නියෝජනය කරන්නේ සුන්නි මුස්ලිම් වර්ගයයි.