සුනඛයන් අයාලේ යෑමට ඉඩ හරින අයිතිකරුවන්ට අධිකරණය මඟින් නියම කළ හැකි දඩ මුදල රුපියල් 25,000 දක්වා සහ ලබාදිය හැකි සිර දඬුවම වසර 2 දක්වා වැඩි කිරීම සඳහා වන සුනඛයන් ලියාපදිංචි කිරීමේ ආඥාපනත සංශෝධනය කිරීමේ යෝජනාවට අමාත්‍ය මණ්ඩලය අනුමැතිය ලබාදී තිබේ.
ඒ අනුව ආඥාපනත සංශෝධනය කිරීමට අවශ්‍ය නීති කෙටුම්පත් කිරීම සඳහා උපදෙස් ලබාදීමට නීති කෙටුම්පත් සම්පාදක වෙත යෝජනාව යොමු කරනු ඇත.
පළාත් සභා හා පළාත් පාලන අමාත්‍ය ෆයිසර් මුස්තාපා මහතා විසින් එම යෝජනාව ඉදිරිපත් කර තිබූ අතර අයාලේ යන සුනඛයන් පිළිබඳ ප්‍රශ්නය නිරාකරණය කිරීම අරමුණු කරගෙන එම යෝජනාව ඉදිරිපත් කර ඇත.