වෙළෙදපොළේ අලෙවිය පිණිස ඇති රසකැවිලිවල අඩංගුවන සීනි ප්‍රමාණය අඩු කිරීමට අදාළ නීති සකස් කිරීමට කඩිනමින් පියවර ගන්නා බව සෞඛ්‍ය අමාත්‍ය රාජිත සේනාරත්න මහතා පවසයි.
ප්‍රධාන පෙළේ බිස්කට් වෙළද ආයතන හා රසකැවිලි බෙදාහැරීමේ ආයතන හිමියන් සමග තමා මේ වන විට සාකච්ඡා කරගෙන යන බවත්, බෝ නොවන රෝග පාලනයට ඔවුන්ගේ සහය අත්‍යවශ්‍ය බවත් ඒ මහතා පැවසීය.
එමෙන්ම ඉදිරියේදී අධික සීනි. මේදය, ලුණු අඩංගු ආහාරවලට බද්දක් පනවා මිල ඉහළ දැමීමෙන් ඉල්ලුම අඩු තත්ත්වයට ගෙන ඒමට කටයුතු කරන බව අමාත්‍යවරයා පැවසීය.