පාස්කු ප්‍රහාරයේ සැකකරුවන් සමග සබඳතා පැවැත්වූ 25 හැවිරිදි සැකකරුවෙක් හිඟුල ප්‍රදේශයේදී ත්‍රස්ත මර්දන හා විමර්ශන කොට්ඨාසය විසින් අත්අඩංගුවට ගනු ලැබ තිබේ.
හම්බන්තොට සිප්පිකුළම ප්‍රදේශයේ සහරාන් පවත්වාගෙන ගොස් තිබූ අන්තවාදී දේශන ඇතුළත් පුහුණු කඳවුරකට ඔහු සහභාගී වී ඇති බව පොලිස් මාධ්‍ය ප්‍රකාශකවරයා පැවසිය.
ඔහු පාස්කුත දින ප්‍රහාරයේ සැකකරුවන් සමග සබඳතා පැවැත්වීම, අන්තවාදී කටයුතු සඳහා ආධාර අනුබල දීම සහ තොරතුරු වසන් කිරීමත් සිදු කර ඇති බව විමර්ශනවලදී අනාවරණය වී ඇතැයි, පොලිස් මාධ්‍ය ප්‍රකාශකවරයා පැවසී ය.
සැකකරු රඳවා තබා ගෙන තවදුරටත් විමර්ශන සිදු කෙරේ.