වාහන බලපත‍්‍ර අලූත් කිරීමේ ගාස්තුව හෙට (01) දිනයේ සිට ඉහළ දමමින් නව කාබන් බද්දඛ්ද ක‍්‍රියාත්මක කෙරේ.
රජය විසින් පනවා ඇති නව බදු ක‍්‍රමය අනුව වාහනයේ ධාරිතාව, ධාවන කාලය සලකමින් මෙම බද්ද අය කෙරෙයි.
එන්ජින් ධාරිතාව 1000cc ට අඩු වසර 5ට අඩු වාහන සදහා 1cc ශත 50 බද්දක් පනවා ඇත.
වසර 5-10ත් පරණ වාහනවල 1cc සදහා අය කරන බද්ද රුපියල් 1.00කි.
වසර 10කට වඩා පැරැණි නම් 1cc ට රුපියල් 1.50 බදු අය කරයි.
වසර 05ට අඩු මගී ප්‍රවාහන බස් රථ සදහා රුපියල් 1000ක්, වසර 5-10ත් අතර බස් රථ සදහා රු. 2000ක්, වසර 10ට වැඩි බස් රථ සදහා රු. 3000ක් වාර්ෂිකව අය කෙරෙයි.
පසුගිය අයවැයේදී කාබන් බද්ද ලෙස හදුන්වා දෙන ලද්දේ මෙම බද්දයි.