නීති ශිෂ්‍යයෙකු වන තම පුතාට පෑලියගොඩ පොලිස් ස්ථානය තුළදී නිලධාරීන් පිරිසක් විසින් පහරදීම සම්බන්ධයෙන් සාධාරණ පරීක්ෂණයක් බලාපොරොත්තු වන බව හිටපු ආණ්ඩුකාරවරයෙකු වු නීතිඥ මෛත්‍රී ගුණරත්න මහතා පවසයි.
මිගාර ගුණරත්නට පෑලියගොඩ පොලිස් ස්ථානයේදී ඊයේ (25)දින රාත්‍රී පොලිස් නිලධාරීන් පිරිසක් විසින් පහර දී තිබුණි.
එහිදී ඔහු සඳහන් කළේ, “පොලිස් නිලධාරියෙක් ඇවිල්ලා කියලා තියෙනවා ඇයි ඔයා මොබයිල් ෆෝන් එක පාවිච්චි කරන්නේ කියලා. පුතා කියලා තියෙනවා පොලිස් නිලධාරියාට ඇයි ඔබතුමා මාස්ක් එකක් දාන් නැතුව කතා කරන්නේ කියලා. ඊට පස්සේ තමයි පහරදීම පටන් අරන් තියෙන්නෙ. මෙයාව පල්ලෙහා තට්ටුවේ ඉඳලා උඩ තට්ටුවට ගෙනියලා පොලුවලින් අතින් පයින් පහරදීලා තියෙනවා. තුවාල වුණාට පස්සේ පොලිස් රාජකාරියට බාධා කිරීම කියලා නඩු දාලා,” යනුවෙනි.
පෑලියගොඩ පොලිස් ස්ථානය තුළ ඇති වූ මෙම සිද්ධියෙන් පසු පොලිස් නිලධාරීන් සිව් දෙනකුගේ වැඩ තහනම් කිරීමට පොලිස්පතිවරයා කටයුතු කර තිබේ.