කොළඹ ප්‍රදේශ 4 කින් ඩෙංගු රෝගින් වාර්තා වීම ඉහළ යමින් ඇතැයි කොළඹ මහ නගර සභාව පවසයි.
එහි ප්‍රධාන සෞඛ්‍ය වෛද්‍ය නිලධාරි වෛද්‍ය රුවන් විජයමුණි මහතා සඳහන් කරන්නේ, නාරාහේන්පිට, කිරුළපන, මෝදර හා මට්ටක්කුලිය යන ප්‍රදේශවලින් එලෙස ඩෙංගු රෝගින් වාර්තාවීම ඉහළ යමින් ඇති බවයි.
මීට සති තුනකට පෙර අදාල ප්‍රදේශවලින් දෛනිකව ඩෙංගු රෝගීන් දෙදෙනකු පමණ වාර්තාවී ඇති අතර මේ වනවිට එම සංඛ්‍යාව 5 ක් හෝ 6 ක් දක්වා ඉහෙළ ගොස් ඇති බව වෛද්‍ය රුවන් විජයමුණි මහතා සඳහන් කරයි.
ඒ පිළිබඳ ජනතාව සැළකිලිමත් විය යුතු බව ඔහු වැඩිදුරටත් දැනුම්දෙයි.