එක්සත් ජාතික පක්ෂයේ හිටපු උප සභාපතිවරයෙක් මෙන්ම ජනමාධ්‍ය ඇමතිවරයෙකු ලෙසද කටයුතු කළ ඉමිතියාස් බාකීර් මාකාර් මහතා ජාතික මාධ්‍ය මධ්‍යස්ථානයේ ප්‍රධානී තනතුරු සදහා අගමැති රනිල් වික්‍රමසිංහ මහතා විසින් යෝජනා කර ඇතැයි වාර්තා වේ.
මාධ්‍ය විෂයෙහි බාකීර් මාකාර් මහතා සතු දැනුම සහ සබදතාවයන් සැලකිල්ලට ගෙන අගමැතිවරයා විසින් ඔහුගේ නම යෝජනා කර ඇත.
ජනාධිපති ලේකම් කාර්යාලය සහ අගමැති කාර්යාලය ඒකාබද්ධව පිහිටවන මෙම ජාතික මාධ්‍ය මධ්‍යස්ථානය හරහා රටේ ඉදිරිගමන සම්බන්ධයෙන් අතිශය තීරණාත්මක කාර්යභාරයක් සදහා සැලසුම් කර ඇති අතර එහි ප්‍රධාන තනතුර සදහා, බාකීර් මාකාර් මහතාගේ නම ඉදිරියේදී කැබිනට් මණ්ඩලයට ඉදිරිපත් කර සම්මත කරගැනීමට නියමිතව ඇත.