යාපනය විශ්වවිද්‍යාලය තුළ තමන්ට ආරක්‍ෂාවක්‌ නොමැති බව වැටහෙන්නේ නම් එහි නොගොස්‌ සිටින ලෙස උතුරු පළාත් ආණ්‌aඩුකාර රෙජිනෝල්ඩ් කුරේ මහතා සිසුන්ගෙන් ඉල්ලා සිටියේය.
කෙසේ වෙතත් තමා දන්නා පරිදි විශ්වවිද්‍යාලය තුළ ආරක්ෂාව තහවුරු කර ඇතැයි ද හෙතෙම ඊයේ (20 දා) පැවැති මාධ්‍ය හමුවකදී පැවැසීය.සිංහල සිසුන් යාපනය විශ්වවිද්‍යාලයේ ආරක්ෂාව තහවුරු කරන තුරු එහි නොයන බවට පැවසීම සම්බන්ධයෙන් මාධ්‍යවේදියකු ඊයේ පැවැති මාධ්‍ය සාකච්ඡාවේදී නැඟූ ප්‍රශ්නයකට පිළිතුරු දෙමින් ආණ්ඩුකාරවරයා එසේ පැවැසීය.
බත්තරමුල්ලේ පිහිsටි උතුරු පළාතේ ආණ්‌ඩුකාර කාර්යාලයේ පැවැති මෙම මාධ්‍ය හමුවේදී තවදුරටත් අදහස්‌ දැක්‌වූ හෙතෙම මේ ගැටුම සම්බන්ධයෙන් පොලිසිය පරීක්ෂණ ආරම්භ කරලයි තියෙන්නේ. ගැටුමට සම්බන්ධ දෙපාර්ශ්වයේ අය ඉදිරියේදී පොලිසිය අත්අඩංගුවට ගනීවි. ඒ අය අත්අඩංගුවට ගන්න එක පොලිසියේ රාජකාරිය. කව්රු කොහොම කිව්වත් දැන් කිසි ප්‍රශ්නයක්‌ නැහැ.
-දිවයින