අල්ලාහ් දෙවියන්ට අපහාස කළා යැයි ගලගොඩඅත්තේ ඥාණසාර හිමියන් ඝාතනය කරන බවට මරණ තර්ජන එල්ල කරන මධ්‍යම පළාත්සභා මන්ත්‍රි, ජනාධිපති උදේශක අසාද් සාලිට සහ ශ්‍රී ලංකා මුස්ලිම් කවුන්සිලයට තමන් සමග ප්‍රසිද්ධ විවාදයකට පැමිණෙන්නැයි අභියෝග කරන බව බොදු බල සේනා සංවිධානය පවසයි.
‘ප්‍රොපට් මොහොමඩ් හරහා අල්ලා දෙවියන්ටත් ලිපියේ පිටපතක් යවන්න’ යැයි ඥාණසාර හිමියන් කළ ප්‍රකාශයෙන් අල්ලාහ් දෙවියන්ට අපහාසයක් සිදුවන්නේ කෙසේදැයි ඔවුන් කරුණු පැහැදිළි කළ යුතු බවත් පවසන බොදු බල සේනා සංවිධානය කුරාණය පිළිබදව හා අල්ලාහ් දෙවියන් පිළිබදව විද්වත් විවාදයකට ඕනෑම මොහොතක තමන් සූදානම් බවත් පවසයි.
මේ අරාබි මුස්ලිම් රටක් නොවන බවත්, ඕනෑම විශයක් පිළිබදව සබුද්ධික විචාරයකට සහ විවේචනයකට මෙරට නිදහස ඇති බවත්, අල්ලාහ් දෙවියන් හෝ කුරාණය කියා විශේෂත්වයක් නොමැති බවත් එම සංවිධානය අවධාරණය කරයි.
මේ අතර ශ්‍රී ලංකාවේ මුස්ලිම් ජනතාවට බෞද්ධ භික්ෂූන්වහන්සේලා හිරිහැර කරන බවට මුස්ලිම් කවුන්සිලය විසින් ඉකුත් සතියේ OIC ලෝක ඉස්ලාමීය සම්මේලනය වෙත කරන ලද සාවද්‍යපැමිණිල්ල පිළිබදව රටේ ඉහළම තැනක් උරණවී ඇති බවත්, සෞදියට ගතු කෙළාම් කීමෙන් වළකින ලෙස දැඩි ලෙස අවවාද කර ඇති බවත් ආරංචි මාර්ග සදහන් කරයි.