Colombo Today Local News

“කොටි ඩයස්පොරාව නැවතත් හිස ඔසවනවා… ජාතික ආරක්ෂාව දුර්වල වෙලා” – කරුණා අම්මාන්

නැවැතත් රටේ ජාතික ආරක්ෂාව තර්ජනයට ලක්ව ඇති බවත් රටේ ආරක්ෂාව මීට වඩා තහවුරු විය යුතු බවත් හිටපු නියෝජ්‍ය අමාත්‍ය හා හිටපු එල්.ටී.ටී.ඊ. සංවිධානයේ නැඟෙනහිර සන්නද්ධ අංශ හිටපු නායක විනයාගමූර්ති මුරලිදරන් හෙවත් කරුණා අම්මාන් පවසයි.

කොටි හිතවාදී දෙමළ ඩයස්පෝරාව නැවැතත් හිස ඔසවමින් සිටින බව පැහැදිලි යැයි පවසන විනයාගමූර්ති මුරලිදරන් රට ආපස්සට කිසිදු ආකාරයකට හැරවීමට ඉඩ නොදිය යුතු යැයි සඳහන් කළේය.

වසර තිහකට අධික කාලයක් රට තුළ ඇතිව තිබූ දරුණු යුද්ධය ආරම්භ වූයේ මෙවන් සිද්ධි එකින් එක ආරම්භයෙන් යැයි නැවැත මතක් කළ යුතු බවත් තමාද රටේ යුද්ධය නිමා කර දැමීමට සහයෝගය දුන් පුරවැසියකු නිසා රටේ ආරක්ෂාව පිළිබඳ මතයක් දැරීමට අයිතියක් තමාටද ඇති බවත් හිටපු නියෝජ්‍ය ඇමැතිවරයා පෙන්වා දුන්නේය.

මේ මොහොත වන විට තමාගේ පෞද්ගලික ආරක්ෂාව පිළිබඳවද යම් ප්‍රශ්නයක් පවතින බව ඒ මහතා කීවේය. මුරලිදරන් මහතා මේ බව ප්‍රකාශ කෙළේ පසුගියදා චාවකච්චේරිය ප්‍රදේශයේදී පුද්ගලයකු ළඟ තිබී හමුවූ මරාගෙන මැරෙන බෝම්බ කට්ටල ඇතුළු උපකරණ කිහිපයක් සොයා ගත් සිද්ධිය පිළිබඳ සිය අදහස් පළ කරමිනි. ඔහු වැඩිදුරටත් පැවැසුවේ එම බෝම්බ ඇතුළු උපකරණ සොයා ගත් පොලිසියේ, ආරක්ෂක නිලධාරීන්ට තමා මේ මොහොතේ ස්තුතිය පළ කර සිටින බවයි.

Related posts

සුසිල්, අනුර,එස්‌. බී, ඩිලාන් ඇතුළු යහපාලන ඇමැතිලා ගැන FCID නිහඩ ඇයි

colombotoday

බුදුපිළිම පොඩිපට්ටම් කර, සිංහලයා පළවාහැර, උතුරේ ගැයෙන සංහිදියාවේ ‘හංස‘ ගීතය.. මෙතැනින් කොතනටද?

colombotoday

සහකාර පොලිස් අධිකාරී රුවන් ගුණසේකර මහතා තනතුර හැර යයි

colombotoday

ඇමරිකා MCC ගිවිසුම පාර්ලිමේන්තුවට ඉදිරිපත් කිරීමට පෙර අත්සන් කරනවා – මංගල

colombotoday

බිලියනයක වත්කම් රාජ් රාජරත්නම්ට යළි දෙනවාට කොටි බෝම්බවලට ගොදුරුවූවන්ගේ ඥාතීන්ගේ විරෝධය

colombotoday

ජනපති රාජ්‍ය අමාත්‍යාංශ ප්‍රගතිය සොයා බලයි

colombotoday