උතුරු කොරියාවට එරෙහිව එක්සත් ජාතීන්ගේ සංවිධානය විසින් නව සම්බාධක පනවා පැය කිහිපයක් ගතවෙත්ම උතුරු කොරියාව විසින් කෙටිදුර මිසයිල 6ක් පමණ සාගරය වෙත එල්ල කළ බව දකුණු කොරියාව කියයි.
උතුරු කොරියාවේ නැගෙනහිර වෙරළ කලාපයෙන් මෙම මිසයිල ප්රහාර එල්ල කිරීම උතුරු කොරියාව සිදුකර තිබේ.
කෙසේ වෙතත්, මෙවා මිසයිලද, නැත්නම් රොකට් ප්රහාරයන්ද යන්න පැහැදිලි නොමැති බවද කියැවෙයි.
මෙය නව සම්බාධකවලට එරෙහිව උතුරු කොරියාව සිය විරෝධයට පෑමට සිදුකළ ක්රියාවක් විය හැකි බව විදෙස් වාර්තා පවසයි.
මෑතකදී උතුරු කොරියාව සිදුකළ න්යෂ්ටික අත්හදා බැලීම හා චන්ද්රිකාවක් අභ්යවකාශ ගතකිරීමට එරෙහිව එක්සත් ජාතීන්ගේ ආරක්ෂක මණ්ඩලය විසින් උතුරු කොරියාව වෙත එදාමෙදා තුර පැනවූ ප්රබලතම සම්බාධක පැනවීම සිදුකර තිබේ.