කොළඹ ජාතික රෝහල ඇතුළු රට පුරා සියලුම රෝහල්වල දියවැඩියා සායනයට පැමිණෙන රෝගීන්ට අවශ්‍ය ඖෂද රැසක් නොමැතිවීමෙන් රෝගීන් දැඩි අපහසුතාවට පත්ව ඇති බව වාර්තාවේ.
රට පුරා මූලික සහ දිස්ත්‍රික් රෝහල්වල බෙහෙත් හිඟය හේතුවෙන් එම රෝහල්වල දියවැඩියා සායනවලින් ප්‍රතිකාර ලබාගන්නා රෝගීන් දැඩි අපහසුතාවට පත්ව සිටින බවත් බොහෝ රෝහල්වල ඉන්සියුලින් ඇතුළු සියලුම ඖෂද නොමැති තත්වයක් පවතින බවත් ජනතාව පවසති.
බෙහෙත් හිඟය හේතුවෙන් රෝගීන්ට ඇතැම් බෙහෙත් වර්ග පෞද්ගලික ඖෂද අළෙවිසල්වලින් මිලදීගැනීමට සිදුව ඇති බවත් වැඩි පිරිසක් ඖෂද මිලදී ගැනීමට මුදල් නොමැති විමෙන් අසරණ වී සිටින බවත් වෛද්‍යවරු කියති.