සිංහල හා දෙමළ භාෂා රටේ රාජ්‍ය භාෂා බවත්, යහපාලනය උදා වී තිබෙන මෙම අවස්ථාවේදී ඕනෑම ජාතියක කෙනෙකුට තම තමන්ගේ භාෂාවෙන් ජාතික ගීය ගායනා කිරීමේ නිදහස තිබෙන බවත් ස්වදේශ කටයුතු අමාත්‍ය වජිර අබේවර්ධන මහතා පවසනවා.
අමාත්‍යවරයා මේ බව පැවසුවේ (01)දා පැවති මාධ්‍ය සාකච්ඡාවකදීය.
නිදහස් දින සැමරුම් උත්සවයේදී ජාතික ගීය සිංහලෙන් සහ දෙමළෙන් ගායනා කිරීම පිළිබදව ප්‍රශ්න ඇති කර නොගන්නා ලෙස පවසන අමාත්‍යවරයා වැඩි දුරටත් පෙන්වා දුන්නේ මීට පෙර පැවති ජාතික උත්සවයකදී භාෂා දෙකෙන්ම ජාතික ගීය ගායනා කර පූර්වාදර්ශයක් ලබා දී ඇති බවයි.
මෙවර ජාතික සැමරුම් උත්සවයේදී භාෂා දෙකෙන්ම ජාතික ගීය ගායනා කරනවාද නැද්ද යන්න මාධ්‍යෙව්දීන් නැගූ ප්‍රශ්නයට ඍජු පිළිතුරක් අමාත්‍ය වජිර අබේවර්ධන මහතා ලබා නොදුන්නේය.