කොවිඩ් 19 වෛරසයේ ඩෙල්ටා ප්‍රභේදය ශ්‍රී ලංකාව තුළ පැතිරීමේ වේගය අනුව මෙරටිනුත් නව ප්‍රභේදයක් ඇති වීමේ අවදානමක් ඇති බව ශ්‍රී ලංකා වෛද්‍ය සංගමයේ සභාපතිනි විශේෂඥ වෛද්‍ය පද්මා ගුණරත්න මහත්මිය සඳහන් කරයි.
වෛද්‍ය සංගම් ශාලාවේදී පැවති මාධ්‍ය හමුවක දී මාධ්‍යවේදියෙක් ඇසූ ප්‍රශ්නයකට පිළිතුරු දෙමින් ඇය මේ බව සඳහන් කරයි.
එවැනි නව වෛරසයක් ඇති වුවහොත් එය පවතින වෛරසය අභිබවා යනු ඇති බවට ද ඇය සැක පල කළේය.