කටාන, බටහිර කලුවාරිප්පුව ප්‍රදේශයේ නිවසක නිවැසියන් අතර ඇතිවූ ආරවුලක් විසඳීමට යාමේදී එක් පුද්ගලයෙකු බිම වැටී මිය ගොස් තිබේ.
මරණකරු තම දරුවන් සමග එම ප්‍රදේශයේ පදිංචිව සිටින අතර තම දියණියගේ ස්වාමි පුරුෂයා බීමත්ව පැමිණ වැඩිමහල් දරුවා සමග ඇති කරගත් ආරවුලක් සමථයකට පත් කිරීමට යාමේදී ඇතිවූ සිද්ධියක් මත මරණකරු ඇද වැටී මියගොස් ඇති බවට සිදුකළ විමර්ශනයේදී ආනවරණය වී ඇත.
මරණකරු වයස අවුරුදු 57ක් වන බටහිර කලුවාරිප්පුව, කටාය ප්‍රදේශයේ පදිංචිකරුවෙකි.
මෘත ශරීරය පොලිස් ආරක්ෂාව යටතේ සිද්ධිය වූ ස්ථානයේ ඇති අතර මහේස්ත්‍රාත් පරීක්ෂණය සිදු කිරීමට නියමිත ය.
කටාන පොලිසිය වැඩිදුර විමර්ශන කටයුතු සිදු කරයි.