නීතිවිරෝධීව මුදල් තොගයක් ඩුබායි බලා රැගෙන යාමට උත්සාහ කළ පුද්ගලයෙකු කටුනායක ගුවන් තොටුපළ රේගුව විසින් අත්අඩංගුවට ගනු ලැබ තිබේ.
එම මුදල් තොගය තුළ ඇමෙරිකානු ඩොලර් 20,000 සහ ශ්‍රී ලංකා රුපියල් මිලියන 10 ක්‌ අඩංගුව තිබූ බවත් එම මුදල් තොගයේ මුළු වටිනාකම රුපියල් එක් කෝටි හතලිස් ලක්ෂ හැට දහසක් වන බව කටුනායක රේගුව පවසයි.
ඩුබායි බලා පිටත් වීමට පැමිණි අදාළ ගුවන් මගියා ගමන් මල්ලක් තුළ ඉතා සූක්ෂ්ම ලෙස සඟවා මෙම මුදල් තොගය රැගෙන යාමට උත්සාහ කර ඇත.
එලෙස අත්අඩංගුවට ගෙන ඇත්තේ කොළඹ පදිංචි 27 හැවිරිදි ව්‍යාපාරිකයෙකි.