වාරිමාර් දෙපාර්තමේන්තුව යටතේ පාලනය වන ප්‍රධාන ජලාශ කිහිපයක වාන් දොරටු තවදුරටත් විවෘතව පවතින බව වාරිමාර්ග දෙපාර්තමේන්තුව පවසයි.
වාරිමාර්ග අධ්‍යක්ෂ , ජල කළමනාකරණ ඉංජිනේරු ඩී. අබේසිරිවර්ධන මහතා පැවසුවේ, දැදුරුඔය ජලාශය වාන් දොරටු 4 ක් අඩි 2 බැගින් තවදුරටත් විවෘත කර පවතින බවයි.
මීට අමතරව රාජාංගණය ජලාශයේ වාන්දොරටු 6ක් විවෘතව පවතිනන අතර ඉන් මහ ජලකඳක් කලා ඔයට මුදා හරිමින් තිබේ.
එහි වාන් වාන් දොරටු විවෘත කර ඇත්තේ, වාන් දොරටු 2ක් අඩි 4 බැගින් ද, තවත් වාන් දොරටු 2 ක් අඩි 3 බැගින් ද සහ තවත් 2 ක් අඩි 2ක බැගින් ද වශයෙනි.
තව ද අංගමුව ජලාශයේ ද වාන් දොරටු 2 ක් අඩිය බැගින් විවෘත කර ජලය මුදා හරිමින් තිබේ.
වව්නියාව දිස්ත්‍රික්කයට ඇද හැළී ඇති අධික වර්ෂාපතනය හමුවේ වව්නියාවේ ජලාශවල ද ධාරිතාව ශීඝ්‍රයෙන් ඉහළ යමින් පවතින බව අබේසිරිවර්ධන මහතා පවසයි.