මෙරට තුළ මේ දිනවල සිදු වී ඇති ව්‍යුහාත්මක දේශපාලනික වෙනස්කම් සම්බන්ධයෙන් ශ්‍රී ලංකාවේ සමීපතම දිගුකාලීන මිත්‍රයෙකු ලෙසට තම රාජ්‍ය මහත් ඕනෑකමින් යුතුව නිරීක්ෂණයෙන් සිටින බව ජපානය පවසයි.
ජපාන විදේශ අමාත්‍යාංශයේ මාධ්‍ය ලේකම් ටෙකේෂි ඔර්සුගා නිවේදනයක් මගින් ජපාන නිල වබේ අඩවියෙහි මේ බව සඳහන් කර තිබේ.
ශ්‍රී ලංකාව තුළ ඇති වී තිබෙන දේශපාලනික ගැටලු හේතු කොට ගෙන ජනතාව අතර ගැටුම්කාරී තත්ත්වයක් දක්වා ඔඩු දුවන්නට නොදී නීතිමය පියවර මගින් දේශපාලනමය ස්ථාවරත්වය පිහිටුවා ගැනීමට කටයුතු කරනු ඇති බව ජපානය අපේක්ෂා කරන බවද මාධ්‍ය ලේකම්වරයා නිකුත් කළ එම නිවේදනයේ සඳහන් වෙයි.