කොළඹ පවතින මාර්ග තඳබදයට පිළියමක් ලෙස ඉදිකෙරුණු රාජගිරිය ගුවන් පාලම අද (08) ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් විවෘත කිරිමට නියමිතව තිබේ.
රාජගිරිය, බොරැල්ල සහ තඳාසන්න ප්‍රදේශවල පවතින අධික රථ වාහන තඳ බදයට විසදුමක් ලෙස වත්මන් රජය විසින් මෙම ව්‍යාපෘතිය ආරම්භ කළේය.
උදෑසක සහ සවස් කාලයේ කොළඹට ඇතුළු වන සහ පිටවන රථ වාහන තදබදය මෙම නව ගුවන් පාලම ඉදිකිරිම් කටයුතු අවසන්වීමත් සමඟ අඩුවනු ඇති බව සඳහන්ය.
පාලමේ ඉදිකිරිම් කටයුතු මෙම වසර අවසානයේ ඉදිකර අවසන් කිරිමට නියමිතව තිබුණ ද එහි කටයුතු මාස 11ක් වැනි කාළයක් තුළ අවසන් කරන ලෙස ජනාධිපතිවරයා උපදෙස් ලබාදී තිබේ.
මංතීරු හතරකින් සමන්විත මෙම ගුවන් පාලම දිගින් මිටර් 534ක් වන අතර මීටර් 180ක පිවිසුම් මාර්ගයකින් ද සමන්විතය.
ස්පාඤ්ඤ සමාගමක් සහ දේශිය සමාගමක් එක්ව 2016 වසරේ මෙම ගුවන් පාලමේ ඉදිකිරිම් අරම්භ කළ අතර ඒ සදහා රුපියල් මිලියන 4700ක් වැය කර ඇති බවයි ජනාධිපති මාධ්‍ය අංශය සදහන් කළේ.