ගොවියාට ඉහළ මිලක් සහ පාරිභෝගිකයාට සහන මිලක් ලැබෙන වෙළඳපොළ නිර්මාණය කිරීමේ අවශ්‍යතාව ජනාධිපති ගෝඨාභය රාජපක්ෂ මහතා විසින් අවධාරණය කර තිබෙනවා.
දිවයිනේ සියලූ ප‍්‍රදේශවල කෘෂි අස්වනු අතරමැදියන්ගේ සම්බන්ධයක් නොමැතිව අළෙවි කිරීමේ පහසුව ගොවීන්ටම ඍජුව හිමිවන පසුබිම සැකසීම තුළින් එය ආරම්භ කළ හැකි බවයි ජනාධිපතිවරයා පෙන්වා දුන්නේ. ජනාධිපති ගෝඨාභය රාජපක්ෂ මහතා මේ බව පැවසුවේ ජීවන වියදම් කමිටුව සමග ජනාධිපති කාර්යාලයේදී ඊයේ(14) දින පස්වරුවේ පැවැති සාකච්ඡාවකදීයි.
අත්‍යවශ්‍ය පාරිභෝගික භාණ්ඩ හිගයකින් තොරව සියලූ ප්රදේශ වෙත අඛණ්ඩව සැපයීමට ගත යුතු කි‍්‍රයාමාර්ග විධිමත් කිරීම කෙරෙහි ද ජනාධිපතිවරයාගේ සහ අග‍්‍රාමාත්‍යවරයාගේ අවධානය යොමුව තිබෙනවා.