අතුරුදන්වූවන් සදහා වූ කාර්යාලය (OMO) ඉතා සාර්ථක ආයතනයක් ලෙස ඉතා ඉක්මනින් වැඩ ආරම්භ කරන බව හිටපු ජනාධිපතිනී චන්ද්‍රිකා කුමාරතුංග පවසයි.
මෙම කාර්යාලය පිහිටුවීමෙන්, යුධ අධිකරණයට පමුණුවන්නේ යුද්ධයේදී වැරදි සිදු කළ හමුදා නිලධාරීන් යුධ අධිකරණයට පමුණුවන බවත්, හැම නිළධාරියෙකුටම එසේ දඩුවම් ලබා නොදෙන බවත් හිටපු ජනාධිපතිනිය ඊයේ (20) කොළඹදී පැවසුවාය.
යුද්ධයෙන් පීඩාවට පත් වූ වින්දිතයින්ට සහන සැලසීම වෙනුවෙන් පිහිටවූ අතුරුදන්වූවන්ගේ කාර්යාලය ස්ථාපිත කිරීම මේවනවිට අවසන් අදියරේ පවතින බවත් ඉතාමත් හොඳ සකස් කර තිබෙන ආයතනයක් ලෙස මේ වසර තුළඳී ඉතා ඉක්මනින් ක‍්‍රියාත්මක කළ යුතු බවත් හිටපු ජනපතිනිය කියා සිටියාය.
අතුරුදන් වූවන් පිළිබඳ කාර්යාලය පිහිටුවීමට අදාළ යෝජනාව පාර්ලිමේන්තුව තුල සම්මතවී ඇතත්, එම කාර්යාලය පවත්වාගෙන යන්නේ කවරකු යටතේදැයි ජනාධිපතිවරයා විසින් මෙතෙක් ගැසට් කර නොමැත.
ශ්‍රී ලංකා රජය ජාත්‍යන්තර ප්‍රජාවට පොරොන්දු වූ පරිදි, අතුරුදන් වූවන් පිළිබඳ දේශපාලන කාර්යාලය පිහිටු වීමට මෙතෙක් කටයුතුකර නැති බව උතුරු පළාත් මහ ඇමැති සී. විග්නේශ්වරන් මහතා, පසුගියදා යාපනයේ සංචාරයක යෙදුන යුරෝපා සංගමයේ තානාපති මන් මාර්තිව් මහතා වෙත පැමිණිල්ලක්‌ කර තිබිණ.