Colombo Today Local News

ඒකාබද්ධ විපක්ෂයේ ඉල්ලීම් ලැබෙයි.. විමල්, වාසු, දිනේෂ්, ගම්මන්පිල පාර්ලිමේන්තුවේ පක්ෂ නායකයින් ලෙස පිළිගනී

Joint opposition leaders

ඒකාබද්ධ විපක්ෂයේ පාර්ලිමේන්තු කණ්ඩායමේ සිටින දේශපාලන පක්ෂ නායකයින් පාර්ලිමේන්තුවේ පක්ෂ නායකයින් ලෙස පිළිගනිමින් ස්ථාවර නියෝග 23(2) යටතේ විශේෂ ප්‍රකාශ සිදු කිරීමට එම පක්ෂ නායකයින්ට ඉඩ ලබාදීමට අග්‍රාමාත්‍ය රනිල් වික්‍රමසිංහ මහතා සහ ජනාධිපති මෛත්‍රීපාල සිරිසේන මහතා අතර පැවැති විශේෂ සාකච්ඡාවේ දී එකඟ වී ඇති බව ඒකාබද්ධ විපක්ෂයේ පාර්ලිමේන්තු මන්ත්‍රී වාසුදේව නානායක්කාර මහතා පැවසීය.

එබැවින් ඒකාබද්ධ විපක්ෂයේ මන්ත්‍රී කණ්ඩායම පාර්ලිමේන්තුවේ ඉදිරියට සිදු කිරීමට නියමිත විරෝධතා නතර කිරීමට පියවර ගන්නා බව ද මන්ත්‍රීවරයා සඳහන්කළේය. මෙම කණ්ඩායම පාර්ලිමේන්තුවේ වෙනම ස්වාධීන කණ්ඩායමක් ලෙස පිළිගැනීම හැර අනෙකුත් සියලු ඉල්ලීම්වලට එකඟ වූ බව පැවසේ.

ඒ අනුව ඒකාබද්ධ විපක්ෂයේ සිටින පක්ෂ නායකයින්ට ජාතික වැදගත්කමකින් යුතු ප්‍රකාශ කිරීමට ස්ථාවර නියෝග 23(2) යටතේ පාර්ලිමේන්තුවේ දී ඉඩ ලැබෙනු ඇති. ඊට අමතරව පක්ෂ නායක රැස්වීම් සඳහා සහභාගිවීමට හැකියාව ලැබේ. එසේම පාර්ලිමේන්තුවේ ‍පොදු ව්‍යාපාර කාරක සභාව, රාජ්‍ය ගිණුම් කාරක සභාව ඇතුළු කමිටුවල සාමාජිකයින් ලෙස ඒකාබද්ධ විපක්ෂයේ මන්ත්‍රීවරුන් පත්කිරීමේ හැකියාවද ලැබීතිබේ.

මෙම කමිටු සඳහා දැනට පත්කර ඇති මන්ත්‍රී නියෝජිතයින්ට අතිරේකව තවත් මන්ත්‍රීවරු 5 බැගින් පත් කිරීමට නියමිත අතර ඉන් දෙදෙනකු පත්කිරීමේ අවස්ථාව ඒකාබද්ධ විපක්ෂයට ලැබෙනු ඇති බවට වාර්තා වේ.

Related posts

ත්‍රිකුණාමල තෙල් ටැංකි සංකීර්ණය රැකගත යුතු ජාතික සම්පතක් වන්නේ ඇයි ?

colombotoday

නීතිවිරෝධීව පැවැත්වු ‘ආවා’ කල්ලි නායකයෙකුගේ උපන්දින සාදයක් වටලයි

colombotoday

බොරැල්ල Traffic OIC හප්පා පලා යෑම – මන්ත්‍රී පුතා ඇතුළු හතකට ඇප

colombotoday

ගම්පහ, නාල්ල පොලිස් ස්ථානයේ ස්ථානාධිපති ලෙස කාන්තා ප්‍රධාන පොලිස් පරීක්ෂකවරිය හෙට වැඩ භාර ගනී.

colombotoday

යුද්ධය නිමාවෙන් පසු මුල්වරට A9 වැසේ.. මග අහුරා විරෝධතා !

colombotoday

පාස්කු ප්‍රහාරය සම්බන්ධයෙන් රක්ෂිත බන්ධනාගාරගත කර සිටින රැඳවියන් සමග බදුල්ල බන්ධනාගාරයේ ගැටුමක්

colombotoday