ජාතික ඒකාබද්ධතා හා ප්‍රතිසන්ධාන රාජ්‍ය අමාත්‍ය ඒ.එච්.එම්. ෆවුසි මහතාට වාහනයක් ලබා ගැනීම සදහා රුපියල් කෝටි 4ක් ඉල්ලා පරිපූරක ඇස්තමේන්තුවක් ඊයේ 05 පාර්ලිමේන්තුවට ඉදිරිපත් කළේය.
ඊට අමතරව විශේෂ කාර්යභාර අමාත්‍යාංශයට සහ ජාතික සහජීවන හා සංවාද රාජ්‍ය භාෂා අමාත්‍යාංශය සදහා කල්බදු ක්‍රමය යටතේ ලබාගත් වාහන දෙකකට කුලී ගෙවීම සදහා පිලිවෙළින් රුපියල් හතළිස් එක්ලක්ෂයක් සහ රුපියල් දහඅට ලක්ෂයක් ඉල්ලා ඇත.
අගමැතිවරයාගේ ආරක්ෂක අංශය සදහා වාහන වෙනුවෙන් රුපියල් කෝටියක මුදලක්ද ඉල්ලා ඇති අතර, නායක ස්වාමීන්වහන්සේ නමක් වෙනුවෙන් වාහනයක් ලබා දීම සදහා රුපියල් දෙකෝටි දහතුන් ලක්ෂ අනූදාහසක මුදලක්ද ජනාධිපතිවරයා විසින් ඉල්ලා තිබේ.
ශැංග්‍රිලා හෝටලයේ යටිතල පහසුකම් සැපයීම සදහා කොළඹ මහ නගරසභාවට ගෙවිය යුතු හිග මුදල වෙනුවෙන්ද රුපියල් තිස් හතර කෝටි විසිලක්ෂයක මුදලද් මෙම පරිපූරක ඇස්තමේන්තු මගින් ඉල්ලා ඇත.