ජාතික තවුහීද් ජමාද් සංවිධානයේ කාන්තාවන් උපයෝගී කොටගෙන විහාරස්ථාන ඉලක්ක කර ප්‍රහාර එල්ල කිරීමේ සැලැස්මක් ජාතික බුද්ධි අංශයේ නිලධාරීන් විසින්ම අනාවරණය කරගනු ලැබ ඇත. එම ප්‍රහාරයන් සිදුකිරීම සඳහා ගෙනැවිත් තිබුණු කාන්තාවන් අඳින සුදු සායවල් සහ හැට්ට කට්ටල 5ක් සයින්දමරුදු පිපිරීම සිදුවුණු නිවාස පරීක්ෂා කිරීමේදී සොයා ගනු ලැබිණි.
මෙම පිරිස ඉකුත් 19 වනිදා මේවා මිළදිගෙන ඇත්තේ ගිරිඋල්ලේ අලෙවි සලකිනි. රුපියල් 29000ක පමණ වටිනාකමකින් යුත් කාන්තාවන් අදින සුදු ඇදුම් කට්ටල 9ක් සහ යට ඇදුම් ඇතුළු රෙදිපිළි මෙහිදී මිළදි ගෙන ඇත.
පසුගියාදා බෝම්බ පුපුරුවා ගත් නිවසේ තිබියදීමෙම ඇදුම් සොයාගෙන ඇති අතර සුදු පැහැති ඇදුම් කට්ටල 4ක් එම ස්ථානයේ තිබී නැත. එම වෙළදසලේ සී.සී.ටී.වී. කැමරාවලද මෙම කාන්තාවන් රෙදි මිළදී ගැනීමට එන ආකාරය සටහන්ව ඇත.
ඉතිරි සුදු ඇදුම් කට්ටල 4 සොයා ගැනීම සදහා රාජ්‍ය බුද්ධි සේවයේ නිලධාරිහු පරීක්ෂණ පවත්වමින් සිටිති. මෙම සුදු ඇදුම් කට්ටල විහාරස්ථාන ඉලක්ක කරගෙන මරාගෙන මැරෙන ප්‍රහාර එල්ල කිරිම සදහා ගෙන එන්නට ඇති බවට රාජ්‍ය බුද්ධී අංශ නිලධාරිහු සැක පලකරති.
මව්බිම.
