දින 61ක් තිස්සේ අධිකරණය මගහරිමින් සිටි හිටපු රාජ්‍ය අමාත්‍ය ප්‍රසන්න රණවීර මහර මහේස්ත්‍රාත් අධිකරණයට භාර වී තිබේ.
කැලණිය ප්‍රාදේශීය ලේකම් කොට්ඨාශය තුළ පිහිටි රජයේ ඉඩමක් අයුතු ලෙස අත්පත් කර ගැනීමේ සිද්ධියක් සම්බන්ධයෙන් ඔහුට විවෘත වරෙන්තු නිකුත්කර තිබුණි.
පෙරේදා අදාල නඩුව කැඳවූ අවස්ථාවේදී ඔහු සතු බැංකු ගිණුම්, ඉඩම්, වාහන ඇතුළු දේපළ පිළිබඳ විමසා ඒවා තහනම් කරන්නට උපදෙස් අධිකරණය විසින් නිකුත් කර තිබූ බැවින් එම නියෝගයෙන් දින දෙකකට පසු ඔහු අධිකරණයට භාර වී ඇති බව මාධ්‍ය වාර්තා කරයි.
හිටපු අමාත්‍ය මර්වින් සිල්වා සහ තවත් තිදෙනකුද මෙම නඩුව සම්බන්ධයෙන් අත්අඩංගුවට ගැනීමෙන් පසු රක්ෂිත බන්ධනාගාරගත කොට ඇති අතර තවදුරටත් මෙම මස 19 වැනිදා දක්වා රිමාන්ඩ් කර තැබීමට ද මහේස්ත්‍රාත්වරිය නියම කර තිබේ.
සටහන – සත්සරණී