Colombo Today Local News

බංග්ලාදේශය ගත්ත ණය ගෙවීම ගැන මහබැංකු අධිපතිට මතක් කරයි

ලබන වසරේ මාර්තු මස බංග්ලාදේශය වෙත ගෙවීමට ඇති අමෙරිකානු ඩොලර් මිලියන 200ක ණය මුදල ලංකා රජය විසින් නිසි පරිදී ගෙවීම් කටයුතු සිදු කරනු ඇති බවට තමන් අපේකෂා කරන බව බංග්ලාදේශය පවසයි.

එරට ඩකා ටි්‍රබියුන් වෙබ් අඩවිය වාර්තා කරන්නේම, බංග්ලාදේශ මහබැංකු අධිපති අබ්දුල් රවුෆ් තලුක්දර් මහතා සහ මෙරට මහබැංකු අධිපති නන්දලාල් වීරසිංහ මහතා සමග පැවති සාකච්ඡාවකදී මේ පිළිබඳ කරුණු සාකච්ඡා කර ඇති බවයි.

ජාත්‍යාන්තර මූල්‍ය අරමුදලේ සහ ලෝක බැංකුවේ වාර්ශික රැස්වීමට සහභාගී වීම සඳහා දෙරට මහබැංකු අධිපතිවරුන් අමරිකාවේ වොශින්ටන් වෙත පැමිණි අවස්තාවේදී මෙම හමුව සිදුව ඇති බව එම වෙබ් අඩවිය වැඩිදුරටත් වාර්තා කරයි.

විදේශ මුදල් හුවමාරු ගිවිසුමක් යටතේ පසුගිය වසරේදී බංගලාදේශය ඇමරිකානු ඩොලර් මිලියන 200ක ණය මුදලක් මෙරට වෙත ලබා දුන් අතර පවතින ආර්ථික අර්බුධය හමුවේ අදාල ණය ආපසු ගෙවීමේ කාල සීමාව අවස්ථා දෙකකදී දීර්ඝ කිරීමට බංග්ලාදේශය කටයුතු කරනු ලැබීය.

ඒ අනුව ලබන වසරේ පෙබරවාරි සහ මාර්තු මාසවලදී වාරික 3ක් යටතේ එම ණය මුදල ගෙවීමට ලංකා රජය එකඟවී ඇති බැවින් ඒ අනුව අදාල ණය මුදල් නියමිත පරිදි ගෙවීම් කටයුතු සිදු කිරීමට ලංකා රජය කටයුතු කරනු ඇති බවට තමන් අපේක්ෂා කරන බවයි බංගලාදේශ මහබැංකු අධිපතිවරයා පවසා ඇත්තේ.

මේ අතර අමරිකානු එක්සත් ජනපදයේ දකුණු සහ මධ්‍යම ආසියානු කලාප බාර සහකාර රාජ්‍ය ලේකම් ඩොනල්ඩ් ලූ මහතා ඇතුළු දූත පිරිසක් ලබන බදාදා දිනයේ මෙරටට පැමිණීමට නියමිතව ඇත.

Related posts

නාවල පාර දුම්රිය හරස් මාර්ගය 9 වැනිදා වහයි

Admin

ලංකාවේ IT රැකියා ඉන්දියාවේ මකර කටට! මේකද හංසයාට කතිරය ගහපු පිරිස බලාපොරොත්තු වුයේ?

colombotoday

යාපනයේ කෝවිල් පූජාවට පැමිණි 17 ක් අත්අඩංගුවට

colombotoday

සතුන් දඩයමට ඇටවූ විදුලි රැහැනක පැටලී පුද්ගලයෙක් ජීවිතක්ෂයට

Admin

යුධ අපරාධ චෝදනා විමර්ශනයට විදෙස් විනිසුරුවන් ඕනෑ.. එන්ජීඕ ක්‍රියාකාරීන්ගෙන් රජයට බලපෑම්

colombotoday

ජනපති පොරොන්දුවක් ඉටු කරයි… වතු කම්කරු වැටුප රු 1000 දක්වා ඉහළට !

colombotoday