වත්මන් රජය බලයට පත්කිරීමට මුස්ලිම් හා දෙමළ ජනතාව වැඩි කාර්යයක් ඉටු කළ බැවින් ඔවුන් අමතක කර රජයට ගමනක් නොමැති බව සෞඛ්ය අමාත්ය රාජිත සේනාරත්න මහතා පවසයි. අක්කරෙයිපත්තු නගරයේ ඊයේ (03දා) පැවති වැඩසටහනක් අමතමින් ඔහු මෙම අදහස් දැක්වීය.
“දිවයින පුරා මුස්ලිම් ජනතාවගෙන් 45%ක් වත්මන් රජය බලයට පත්කර ගැනීම සඳහා කැප වී කටයුතු කළා. මුස්ලිම් හා ද්රවිඩ ජනතාව අමතක කර මෙම රජයට ඉදිරියට යන්න බෑ. සිංහල පළාත්වලටත් වඩා උතුරු නැගෙනහිර පළාත් වලින් හංසයා ලකුණට ඡන්දය ලැබුණා. මුස්ලිම් ජනතාවට සම අයිතිය ලබාදෙනතුරු ඉදිරියටත් සටන් කරනවා. විවිධ ස්ථානවල කලබල නිර්මාණය කරන්නේ අන්තවාදීන් විසින්.” යැයි අමාත්යවරයා කියා සිටියේය.