හිටපු සමූපකාර සහ අභ්‍යන්තර වෙළඳ අමාත්‍ය ජොන්ස්ටන් ප්‍රනාන්දු ඇතුලූ තුන්දෙනෙකු ඔවුන්ට විරුද්ධව පවරා ඇති නඩුව විභාග කර අවසන් වන තුරු රක්ෂිත බන්ධනාාගර ගතකරන ලෙස කුරුණෑගල මහාධිකරණ විනිසුරු මේනකා විජේසුන්දර අද (03) නියෝග කළා.
2013 වයඹ පලාත් සභා මැතිවරණ සමයේදී එවකට විෂය භාර අමාත්‍යවරයාව සිටිමින් සතොස ආයතනයේ මූල්‍ය වංචාවක් සිදුකිරීම සම්බන්ධයෙන් මොවුන්ට විරුද්ධව චෝදනා ගොනුකර තිබෙනවා.
ජොන්ස්ටන් ප්‍රනාන්දු හිටපු අමාත්‍යවරයාට අමතරව මෙලෙස චෝදනා එල්ලවී ඇත්තේ එවකට සතොස සභාපති නලින් ප්‍රනාන්දු සහ ජොන්ස්ටන් ප්‍රනාන්දුගේ හිටපු පෞද්ගලික ලේකම්වරයෙකු වන මොහොමඩ් සාකිටයි.
මෙම නඩුව අද සිට අඛන්ඩව විභාගයට ගන්නා බවද මහාධිකරණ විනිසුරුවරිය දැනුම්දුන්නා.