රුපියල් ලක්ෂ 150ක පමණ බරපැනක් දරා චීනයේ සංචාරය කිරීමට නියමිත මධ්‍යම පළාත් සභා මන්ත්‍රීවරුන් සහ නිලධාරීන්ගෙන් සමන්විත පළමු කණ්‌ඩායම ඊයේ (12 ) පස්‌වරු 2.00 ට චීනය බලා පිටත්ව ගොස් තිබේ.
එහි දෙවැනි කණ්‌ඩායම දෙසැම්බර් 15 වැනිදා ද, තෙවැනි කණ්‌ඩායම දෙසැම්බර් 22 වැනිදා ද චීනය බලා යාමට නියමිත බව පැවසේ.
මොවුන් අදාළ සංචාරයට එක්ව ඇත්තේ මධ්‍යම පළාත් ආණ්ඩුකාරිය වන නිලූකා ඒකනායක මහත්මියගේ අනුමැතියද ඇතිවය.
කෙසේවුවද, අදාළ සංචාරවලට එක්වන ශ්‍රීලනිප මන්ත්‍රීවරුන්ට දෙසැම්බර් 15 වැනිදාට පෙර නැවත ලංකාවට පැමිණෙන ලෙස ජනපතිවරයා දන්වා ඇතැයිද පැවසේ.
ඒ මෙසේ චීන සංචාරයට එක්වන ඇතැමෙක් ශ්‍රීලනිප ආසන සංවිධායකවරුන් වන නිසාය.
මධ්‍යම පළාත් ආණ්ඩුකාරවරිය චීනයේ සංචාරයකට එක් නොවුණද, ලබන 12 වැනිදා සිට දින තුනක මාලදිවයින් සංචාරයකට එක්වීමට නියමිත බව පැවසේ.