සියලූම ගල් අගුරු බලාගාර පූර්ණ ධාරිතාවය ජනනය කර ජාතික විදුලිබල පද්ධතියට සම්බන්ධ වෙමින් පවතින බව මහජන උපයෝගීතා කොමිෂන් සභාව පවසයි.
කෙසේවෙතත් පැවති වෘත්තිය සමිති ක්‍රියාමාර්ගය හමුවේ ජල විදුලි බලාගාර කිහිපයක් අක්‍රීය වී ඇති බව එහි සභාපති ජනක රත්නායක සඳහන් කරයි.
කැනියොන්, ලක්ෂපාන, නව ලක්ෂපාන, පොල්පිටිය සහ විමලසුරේන්ද්‍ර යන බලාගාර ද එලෙස ක්‍රියා විරහිත වී විදුලි උත්පාදනය නතර වී ඇති බව ඔහු සදහන් කරයි.
ජනාධිපතිවරයා සමග පැවති සාකච්ඡාවකින් අනතුරුව වර්ජනය තාවකාලික ව අත්හිටුවීමට තීරණය කළ බව ලංකා විදුලි බල මණ්ඩල ඉංජිනේරු සංගමය පැවසීය.
කෙසේ වෙතත් මේ වනවිටත් දිවයිනේ ප්‍රදේශ කිහිපයක විදුලිය විසන්ධි වී ඇති අතර විශේෂයෙන් කොළඹ, ගම්පහ සහ මහනුවර දිස්ත්‍රික්වල බොහෝ ප්‍රදේශවල මේ වන විට විදුලිය විසන්ධි වී ඇති බව සඳහන්.