රුපියල් එක්කෝටි අසූහය ලක්ෂ අනූපන්දහසක මුදලක් හා රුපියල් ලක්ෂ හතරකට අධික වටිනාකමින් යුත් විදෙස් මුදල් විශුද්ධිකරණය සම්බන්ධයෙන් විශේෂ කාර්ය බලකාය පිටකොටුවේදී පුද්ගලයින් සිව් දෙනෙකු අත්අඩංගුවට ගෙන තිබේ.
ගෝනහේන කඳවුරේ නිලධාරීන්ට ලද තොරතුරකට අනුව විශේෂ කාර්ය බලකා නිලධාරීන් මෙම වැටලීම සිදු කර ඇත.
මෙහිදී අත්අඩංගුවට ගෙන ඇත්තේ, වැල්ලවත්ත, කොළඹ 15, අලුත්කඩේ සහ කොළඹ 10 යන ප්‍රදේශවල පදිංචි වයස අවුරුදු 25, 31, 41, 51 යන වයස්වල පසුවන පුද්ගලයන් සිව් දෙනෙකි.
සැකකරුවන් වැඩිදුර විමර්ශන කටයුතු සඳහා පොලිස් නීති විරෝධී වත්කම් විමර්ශණ කොට්ඨාසය වෙත භාර දී තිබේ.
මෙම වැටලීමේදී විශේෂ කාර්ය බලකාය අත්අඩංගුවට ගත් භාණ්ඩ පහතින්..
- ශ්‍රි ලංකා වලංගු මුදලින් රුපියල් 18,695,000.00 යි.
- විදෙස් මුදල් රුපියල් 432,502 යි.
(ඉන්දියන් රුපියල් 10 නෝට්ටු 16 යි.
ඉන්දියන් රුපියල් 20 නොට්ටු 06 යි.
කුවේට් ඩිනාර් 01 නොට්ටු 07 යි.
කටාර් රියාල් 100 නෝට්ටු 01 යි.
සිංගප්පූරු ඩොලර් 50 නෝට්ටු 01 යි.
ඇමරිකන් ඩොලර් 100 නෝට්ටු 09 යි.
යුරෝ 200 නෝට්ටු 01 යි.) - ජංගම දුරකථන 04 යි.
- ගනුදෙනු සටහන්කල ලේඛන 02 යි.