අග්‍රාමාත්‍ය රනිල් වික්‍රමසිංහ මහතා මෙරට සියලු රාජ්‍ය හා පෞද්ගලික බැංකුවල සභාපතිවරුන් හා ඉහළ කළමණාකාරිත්වයේ නිලධාරීන් අග්‍රමාත්‍ය කාර්යාලයේදී හමුව තිබේ.
එම හමුවට මුදල් අමාත්‍යංශ ලේකම්වරයා මෙන්ම මහ බැංකු අධිපතිවරයා ද සහභාගී වූ බව අග්‍රාමාත්‍ය කාර්යාලය සඳහන් කළේය.
මෙහිදි අග්‍රාමාත්‍යවරයා වර්තාමාන ආර්ථික අර්බුදය හමුවේ මෙරට බැංකු පද්ධතිය මුහුණ දී ඇති ගැටලු පිළිබඳ දීර්ඝ ලෙස කරුණු විමසා තිබේ.
ඩොලර් හිඟය හා ණය ප්‍රසාරණය වැනි කරුණු පිළිබඳව මෙන්ම ඉතුරුම් ප්‍රමාණය සම්බන්ධයෙන් ද සාකච්ඡාවේදී අග්‍රාමාත්‍යවරයා බැංකු ප්‍රධානීන්ගෙන් කරුණු විමසු බව අග්‍රමාත්‍ය කාර්යාලය පවසයි.
කොරෝනා ව්‍යාප්තියත් සමග ණය ආපසු ගෙවීමට සාමාගම් හා පුද්ගලයින්ට ලබාදුන් සහන කාලය නැවත දිර්ඝ කිරීම සම්බන්ධයෙන් ද සාකච්ඡාවේදී වැඩි අවධානයක් යොමුව තිබේ.
එහිදි අග්‍රමාත්‍යවරයා මහ බැංකුවට උප‍දෙස් දී ඇත්තේ සමෘද්ධි බැංකු පද්ධතිය මහ බැංකුවේ පූර්ණ අධීක්ෂණයට ලක් කළ යුතු බවයි.