සිව් අවුරුදු සමාලෝචනය නැවත වරක් ක්‍රියාවට නංවා බන්ධනාගාර තුළ සිටින රැඳවියන් නිදහස් කිරීමට කටයුතු කරන බව බන්ධනාගාර ප්‍රතිසංස්කරණ හා සිරකරුවන් පුනුරුත්ථාපන රාජ්‍ය අමාත්‍ය ලොහාන් රත්වත්තේ මහතා පවසයි.
ඒ, මගින් බන්ධනාගාර තුළ පවතින තදබදය ඉවත් කළ හැකි බව ඔහු සඳහන් කරයි.
ඊට ජනාධිපතිවරයාගේ අනුමැතිය ලද වහාම එය ක්‍රියාවට නංවන බව ලොහාන් රත්වත්තේ රාජ්‍ය අමාත්‍යවරයා කියා සිටියේ ය.
“මං වැඩ භාර ගත්තේ 2වනදා. 2 වනදා ඉඳලා සිරකරුවන් සහ රිමාන්ඩ් බන්ධනාගාරයේ හිටපු රැඳවියන් 10,000කට ආසන්න ප්‍රමාණයක් අපි නිදහස් කරලා තියෙනවා. අපි බලාපොරොත්තු වෙනවා මරණ දණ්ඩනයේ සිටින රැඳවියන් ජීවිතාන්තය දක්වාත්, ජීවිතාන්තය දක්වා ඉන්න රැඳවියන් අවුරුදු 20 දක්වාත් අඩු කරලා තවදුරටත් තදබදය අඩුකර ගන්න. ඒකට ජනාධිපතිතුමාගේ අනුමැතිය ලැබෙනකම් ඉන්නේ.”
රත්වත්තේ මහතා දෙසැම්බර් 02 වනදා ජනාධිපති කාර්යාලයේ දී ජනාධිපති ගෝඨාභය රාජපක්ෂ මහතා ඉදිරියේ නව අමාත්‍යධූරයේ දිවුරුම් දී තිබුණි.