ටෙලිකොම් සේවකයන් අද(28) දිනයේ දැවැන්ත වර්ජනයකට යෑමට සූදානම්ව සිටියි. ඒ ඔවුන් කාලයක සිට පවතින ගැටළු සම්බන්ධයෙන් ටෙලිකොම් පාලනාධිකාරිය කිසිදු පියවරක් නොගැනීම හේතුවෙනි.
මේවන විට ටෙලිකොම් ආයතනය දැඩි මූල්‍ය අර්බුධයකට පත්වී ඇති බව වෘත්තීය සමිති පෙන්වා දෙයි. ඊට හේතුව වී ඇත්තේ ටෙලිකොම් ආයතනයේ දෛනික කටයුතු කොන්ත්‍රාත් පදනම මත වෙනත් පුද්ගලික අංශ වෙත ලබා දීම සහ ටෙලිකොම් ආයතනයේ ඉහල නිලධාරීන්ගේ මුදල් අවභාවිතය නිසා බව එම සමිති පෙනවා දෙයි.
මේ සමිබන්ධයෙන් හඩ නගන වෘත්තීය සමිති මර්ධනය කිරීමට ටෙලිකොම් ආයතනයේ මානව සම්පත් කළමණාකාරීවරිය කටයුතු කරමින් සිටින අතර, ඇතැම් වෘත්තීය සමිති නායකයන්ගේ වැඩ තහනමටද ලක් කොට ඇත.
මේ වන විට ටෙලිකොම් ආයතනයේ සේවකයන්ට පසුගිය වසරට අදාල ප්‍රසාද දීමනා පවා නොගෙවා ඇති අතර, මෙම වසරට අදාල 10% වැටුප් වර්ධකයෙන් අඩක් පමණක් ගෙවීමට කටයුතු කර ඇත. මේ කරුණු මුල් කරගනිමින් ටෙලිකොම් ආයතනයේ පවතින ගැටළු නිරාකරණය කිරීමට ජනපති හෝ අගමැතිවරයා මැදිහත් වන ලෙස ඉල්ලමින් මෙම වර්ජනය ක්‍රියාත්මක කරන බව සුරකිමු ශ්‍රී ලංකා ටෙලිකොම් වෘත්තීය සමිති පෙරමුණ පවසයි.
