Colombo Today Local News

ධාවනයෙන් ඉවත් කළ ලංගම බස් 273ක් නැවත සේවයට

අබලන්වීම නිසා ධාවනයෙන් ඉවත් කර තිබූ ශ්‍රී ලංකා ගමනාගමන මණ්ඩලයට අයත් බස්රථ 273 ක් අලුත්වැඩියා කර නැවත මගී ප්‍රවාහනය සඳහා එක් කිරීම ජනාධිපති ගෝඨාභය රාජපක්ෂ මහතාගේ ප්‍රධානත්වයෙන් අද සිදු කෙරිණි.
ඒ, ගාලු මුවදොර පිටියේදී ය.

එම බස්රථ දිවයින පුරා ග්‍රාමීය මාර්ගවල මගී ප්‍රවාහනය සඳහා යොදා ගනු ඇති.

බිඳ වැටී තිබූ ආර්ථිකය යළි ගොඩනැගීම සඳහා නව රජය බලයට පත්වීමෙන් පසු වාහන ආනයනය සීමා කරනු ලැබූ අතර ඒ හේතුවෙන් මගී ප්‍රවාහනය සඳහා අවශ්‍ය බස්රථ හිඟයක් ඇති වූ බව ජනාධිපති මාධ්‍ය ඒකකය නිකුත් කළ නිවේදනයක සඳහන් ය.

ඊට පිළියමක් ලෙස ආරම්භ කළ මෙම ව්‍යාපෘතිය තුළින් බස්රථ ආනයනය සඳහා වැය වන විනිමය ඉතිරි කර ගැනීමට හැකිව තිබේ.

ඩිපෝ 107 ක ඉවත් කර තිබූ බස්රථ 273 ක් මේ යටතේ අලුත්වැඩියා කර ඇති අතර ඒ සඳහා වැය කළ මුදල රුපියල් මිලියන 115 කි.

ශ්‍රී ලංකා පොදු ප්‍රවාහන සේවක සමිතියේ පූර්ණ සහය ඇතිව ශ්‍රී ලංකා ගමනා ගමන මණ්ඩල ඩිපෝ හා ලක්දිව ඉංජිනේරු සමාගම ක්‍රියාත්මක කර ඇති ව්‍යාපෘතිය අඛණ්ඩව ක්‍රියාත්මකයි.

Related posts

අද සහ හෙට ඉන්ධන බෙදාහරින පිරවුම්හල් ලැයිස්තුව මෙන්න

colombotoday

පාප් තුමා කොළඹ තෙවැනි සහායක රදගුරු ලෙස ඇන්ටන් රංජිත් පිල්ලනායගම් පියතුමා පත් කරයි.

colombotoday

ගෝඨාභය අත්අඩංගුවට නොගත් හේතුව ? – ජනපති කියයි (Video)

colombotoday

බැදුම්කර හුටපටය සහ ‘අනීකා‘ රටින් පැන්නූ නෙත්තිකුමාරගේ පැටිකිරිය !

colombotoday

වෙනත් පක්ෂ පුම්බන ශ්‍රීලනිප මන්ත්‍රීන් ගැන සාක්ෂි රැස් කරයි.. දඩුවම් දීම මැතිවරණයෙන් පසු..

colombotoday

දුම්රිය වෘත්තීය සමිති හදිසි වැඩ වර්ජනයක…

colombotoday